مه‌ودا میدیا-

وته‌بێژى پۆلیسى پارێزگاى سلێمانى ئامارى رووداوه‌كانى رۆژانى جه‌ژنى قوربان ئاشكرا ده‌كات و رایده‌گه‌یه‌نێت "چه‌ند رۆژێكى ئارام بوو بۆ شاره‌كه‌".

سه‌باره‌ت به‌و رووداوانه‌ى كه‌ له‌ چوار رۆژى جه‌ژنى قورباندا روویانداوه‌، سه‌ركه‌وت ئه‌حمه‌د، وته‌بێژى پۆلیسى پارێزگاى سلێمانى تایبه‌ت به‌ مه‌ودا میدیاى راگه‌یاند "هیچ رووداوێكى قورس له‌ سلێمانیدا نه‌بووه‌ كه‌ شایه‌نى باس بێت، بێجگه‌له‌ رووداوێكى هاتوچۆ كه‌ ئه‌ویش سووك بوو".

وتیشى "هه‌روه‌ها له‌ ماوه‌ى چوار رۆژى جه‌ژندا یه‌ك كه‌س له‌ ئاودا خنكاوه‌".

ناوبراو، ئاماژه‌ى به‌وه‌كرد "به‌ گشتیى ماوه‌ى رابردوو چه‌ند رۆژێكى ئارام بوو بۆ شارى سلێمانى".

پ ح ع