مه‌ودا میدیا-

دواى ئه‌وه‌ى په‌نابه‌رێكى كورد له‌ وڵاتى ئیتاڵیا به‌ رووداوێك گیانى له‌ ده‌ستدا، ئه‌مڕۆ ته‌رمه‌كه‌ى گه‌ڕێندرایه‌وه‌ هه‌رێمى كوردستان و راده‌ستى خێزانه‌كه‌ى كرا.

ده‌زگای لوتكه‌ بۆ كاروباری ئاواره‌ و په‌نابه‌ران بڵاویكردووه‌ته‌وه‌ "لە 10ی حوزەیرانی 2024، چیا قارەمان فەقێ، پەنابەری کورد لە وڵاتی ئیتاڵیا لە رووداوێکدا گیانیلەدەستدا".

ئاماژه‌ى به‌وه‌شكردووه‌ "لەسەر داوای خێزانەکەى، ئەمڕۆ پێنجشه‌ممه‌ تەرمەکەی گه‌ڕێندرایه‌وه‌ هه‌رێمی کوردستان".

روونیشیكردووه‌ته‌وه‌ "سەرجەم تیچووی گەڕانەوەی تەرمەکە لەلایەن دامەزراوە داراییەکانی یەکێتییه‌وه‌ لە ئەستۆ گیرا و سەرجەم رێکارە یاساییەکان لەلایەن دەزگای لوتکەوە ئەنجامدرا".

چیا قارەمان فەقێ، دوای ئه‌وه‌ى ته‌رمه‌كه‌ى رادەستى خێزانەکەی كرا لە زێدی خۆیی بەخاکسپێردرا.

پ ح ع