مەودا میدیا-

بەڕێوەبەری گشتی تەندروستی سلێمانی رایگەیاند، ئەوانەی لە سنوری پارێزگای سلێمانی تووشی كۆرۆنا بوون دۆخیان زۆر باشە تەنیا یەك كەسیان نەبێت.

سەباح هەورامی، بەڕێوەبەری گشتی تەندروستی پارێزگای سلێمانی لە پەیجی تایبەتی خۆی لە تۆڕی كۆمەڵایەتی فەیسبوك رایگەیاند "تائێستا زۆربەی زۆری نەخۆشەكانی كۆرۆنا لە سلێمانی تەندروستییان زۆر باشە".

ئاماژەی بەوەشكردووە "لەو تووشبووانە تەنیا یەك كەسیان لەژێر چاودێری وردی پزیشكیدایە و هەموو هەوڵێك دەدەین بۆ رزگاركردنی ژیانی ئەو هاوڵاتییەش، خوای گەورە هاوکارمان بێت".