مه‌ودا میدیا-

مەکتەبی سیاسیی یەکێتیی نیشتمانیی کوردستان، له‌ یادى 78 ساڵه‌ى دامەزراندنی پارتی دیموکراتی کوردستان، پەیامێکی پیرۆزباییان ئاڕاستە دەکات و ده‌ڵێت "ئەمڕۆ کوردستان لە ھەر کاتێک زیاتر پێویستی بە ھەماھەنگی و پێکەوە کارکردن و پتەوکردنی ریزەکانی ھەیە لەسەر بنچینەی بەرژەوەندییە باڵاکانی گەلەکەمان".

دەقی پەیامەکە:

بەرێزان مەکتەبی سیاسیی پارتی دیموکراتی کوردستان

سڵاوێکی دۆستانە 

لەیادی حەفتاو ھەشت ساڵەی دامەزراندنی پارتی دیموکراتی کوردستاندا پیرۆزبایی گەرم  ئاڕاستەی بەرێزتان و ئەندام و لایەنگرانی پارتی دەکەین

ئەمڕۆ کوردستان لە ھەرکاتێک زیاتر پێویستی بە ھەماھەنگی و پێکەوە کاردن و پتەوکردنی ریزەکانی ھەیە لەسەر بنچینەی بەرژەوەندییە باڵاکانی گەلەکەمان، بە ھەموو پێکھاتەکانییەوە،  لە پێناوی چاککردن و گەشەپێدانی زیاتری حوکمڕانی ھەرێم لە رێی  ئاوەدانی ئیستحقاقە نەتەوەیی و مافە دەستوورییەکانمان لە عیراقی فیدڕاڵدا.

بێگومان ھەڵبژاردنی داھاتووی کوردستانیش دەرفەتێکی باشە بۆ نوێکردنەوەی ئەزموونی دیموکراتی  و باشکردنی ژیان و گوزەرانی خەڵکەکەمان کە ئامانجی بنەڕەتی کوردایەتی و خەباتی رەوای کۆمەڵانی خەڵکی کوردستانە. 

ئومێد دەکەین  ئەم یادە ببێتە فاکتەری پتەوکردنی گیانی ھاوکاری و لێکتێگەیشتنی زیاتری نێوان  گشت لایەنەکان بە ھەردوو حزبیشەوە.

ھەر سەرکەوتووبن و دووبارە پیرۆزە

پ ح ع