مه‌ودا میدیا-

بەڕێوەبەرایەتی ئاسایشی سلێمانی لەماوەی کەمتر لە 24 کاتژمێر، بکوژی هاوڵاتییەکەی شاری هەولێرى دەستگیركرد.

له‌ راگه‌یه‌ندراوێكى ئاسایشى سلێمانى هاتووه‌ "شەوی رابردوو  کاتژمێر 10 و 30ى خوله‌كى شه‌و، لە شاری هەولێر، هاوڵاتییەک بەناوی ئەحمەد خۆشناو کە خاوەنی پێشانگای کڕین و فرۆشتنی ئۆتۆمۆبێلە، لەپڕۆژەی نیشتەجێبوونی ئیسکانی نوێلە هەولێر کوژرا".

باس له‌وه‌شكراوه‌ "بەڕێوەبەرایەتی ئاسایشی سلێمانی، دوای کۆکردنەوەی زانیاریی و بەدواداچوونی ورد و دەستنیشانکردنی شوێنی خۆحەشاردانی تۆمەتبار، بە بڕیاری دادوەری لێکۆڵینەوەی ئاسایش، بەیانی ئەمڕۆ یه‌كشه‌ممه‌، توانیان بکەری تاوانەکە لە شاری سلێمانی دەستگیربکەن و رووبەڕووی یاسای بکەنەوە".

ع