مه‌ودا میدیا-

هه‌چه‌نده‌ له‌ ماوه‌ى رابردوو، ئومێد خۆشناو، پارێزگارى هه‌ولێر رایگه‌یاند، به‌ زووترین كات پاڵاوگه‌ نایاساییه‌كان داده‌خه‌ین، به‌ڵاَم له‌ نوێترین لێدوانى ده‌ڵێت، ناتوانین ئه‌و كاره‌ بكه‌ین.

ئومێد خۆشناو، پارێزگارى هه‌ولێر رایگه‌یاند "ناتوانین له‌ پڕێكدا پاڵاوگه‌ نایاساییه‌كان دابخه‌ین، چونكه‌ ئه‌وانه‌ ملیۆنان دۆلاریان تێدا خه‌رجكراوه‌".

ئه‌و لێدوانه‌ى ئومێد خۆشناو له‌ كاتێكدایه‌ دووهه‌فته‌ پێش ئێستا وتى به‌ زوترین كات ئه‌و پاڵاوگانه‌ داده‌خرێن.

له‌ ئێستادا به‌هۆى ئه‌و پاڵاوگه‌ و كارگانه‌وه‌ هه‌وا و ژینگه‌ى هه‌ولێر به‌ته‌واوى پیس بووه‌ به‌ جۆرێك مه‌ترسیى له‌سه‌ر ته‌ندروستیی خه‌ڵكى شاره‌كه‌ دروستكردووه‌.