مه‌ودا میدیا-

ماوه‌ى نزیكه‌ى 40 رۆژه‌ مووچه‌ دابه‌شنه‌كراوه‌ و به‌هۆیه‌وه‌ كه‌مئه‌ندامان له‌ دۆخێكى خراپى دارایین و ده‌ڵێن ئاوات به‌ مه‌رگ ده‌خوازین.

سه‌نگه‌ر عوسمان، جێگرى سه‌رۆكى كۆمه‌ڵه‌ى كه‌مئه‌ندامانى كوردستان به‌ مه‌ودا میدیاى راگه‌یاند "نزیكه‌ى 40 رۆژه‌ مووچه‌ دابه‌شنه‌كراوه‌ و كه‌مئه‌ندامان كه‌ كه‌مترین مووچه‌یان هه‌یه‌ له‌دۆخێكى زۆر خراپدان".

وتیشى "ئه‌و دۆخه‌ى كه‌مئه‌ندامان تیایدان هه‌ر ئه‌وه‌یه‌ ئاوات به‌ مه‌رگ بخوازیت نه‌ك ژیانێكى به‌و شێوه‌یه‌ كه‌ مووچه‌ دواده‌خرێت و هۆكاره‌كه‌ش حكومه‌تى هه‌رێمى كوردستانه‌".

باسى له‌وه‌شكرد "به‌ ده‌یان و سه‌دان ماڵ له‌م كاته‌دا پاره‌ى ئه‌وه‌شیان نییه‌ كیلۆیه‌ك مریشك بكڕن، یان هیچ نه‌بێت ده‌رمانه‌كانیان بكڕن بۆ ئه‌وه‌ى چاره‌سه‌ر وه‌ربگرن".