مه‌ودا میدیا-

به‌پێى ئه‌و زانیارییانه‌ى بڵاوكراونه‌ته‌وه‌، ته‌نها له‌ ماوه‌ى یه‌ك رۆژدا توركیا هه‌شتجار بۆردوومانى هه‌رێمى كوردستانى كردووه‌.

له‌ ماوه‌ى دوێنێ ئێواره‌ هه‌تا به‌ره‌به‌یانى ئه‌مڕۆ سێشه‌ممه‌، فڕۆكه‌كانى توركیا و درۆنى توركى، هه‌شتجار بۆردوومانى هه‌رێمى كوردستانیان كردووه‌ و چواریان له‌ ناوچه‌ى شارباژێرى سلێمانى بووه‌.

به‌پێى زانیارییه‌كانى مه‌ودا میدیا "دره‌نگانى شه‌وى رابردوو، هه‌تا به‌ره‌به‌یانى ئه‌مڕۆ سێشه‌ممه‌، چوار جار شارباژێر بۆردوومانكراوه‌ له‌ شاخى برزوت و كڵاوه‌".

بۆردوومانه‌كان هیچ زیانێكى گیانى خه‌ڵكى مه‌ده‌نییان لێنه‌كه‌وتووه‌ته‌وه‌ ته‌نها زیان به‌ پوش و ره‌ز و باخى هاوڵاتییان گه‌یشتووه‌ و ئاگریش كه‌وتووه‌ته‌وه‌.