مەودا میدیا-

لە ئێستادا وادەی بەستنی کۆنگرەی رێکخراوەکان و سەندیکاکانی کوردستان لەوانە؛ رۆژنامەنووسان و ھونەرمەندان و نووسەران و چەندینی تر بەسەرچووە و ھیچ وادەیەک دیارینەکراوە کە کەی کۆنگرە دەبەستن.

لەوبارەیەوە، کاروان ئەنوەر، سکرتێری لقی سلێمانی رۆژنامەنووسانی کوردستان بۆ مەودا میدیا رایگەیاند "ھەموو رێکخراوەکان و سەندیکاکان کاتی کۆنگرە بەستنیانە و وادەکەشیان بەسەرچووە".

وتیشی "ئەگەر کۆنگرەش ببەسترێت ھەموویان پێکەوە دەبەسترێن و کاتیشی ھاتووە و دەبێت کۆنگرە ببەستن".

لەبارەی دیاریکردنی کاتی بەستنی کۆنگرەش، ناوبراو، ئاماژەی بەوەکرد "تاوەکو ئێستا کاتەکەی دیارینەکراوە و نازاندرێت کەی کۆنگرە دەبەسترێت".

پ ح ع