مه‌ودا میدیا-

ماڵپەری شەفافییەت، داهاتى نانەوتیى زۆنى سلێمانى لە ماوه‌ى نۆ مانگى ئەمساڵدا بڵاوكرده‌وه‌ و ئاماژه‌ به‌وه‌ده‌كات "سه‌رجه‌م داهاته‌ نانه‌وتییه‌كان 710 ملیار دینار بووە و مانگانەش به‌ تێکڕا، نزیکەى 79 ملیار دینار بووە".

سه‌باره‌ت به‌ داهاتى نانەوتیى پارێزگاکانى سلێمانى و هەڵەبجە هه‌ردوو ئیدارەکانى گەرمیان و راپەڕین، ماڵپەری شەفافییەت رایگه‌یاندووه‌ "لە مانگى ئەیلوولدا بڕەکەى 62 ملیار و 220 ملیۆن دینار بووە، بەراورد بە مانگى ئاب 16 ملیار دینار کەمیکردووە".

راشیگه‌یاندووه‌ "بڕى 53 ملیار دینارى بەکاش بووە و نزیکەى 9 ملیار دینارى بە چەک بووه‌ و 248 ملیۆن دیناریشی بە مەقاسە بووە".

هه‌روه‌ها به‌پێى ئه‌و داتایانه‌ی ماڵپەره‌كه‌، لە ماوه‌ى نۆ مانگی ئه‌مساڵدا داهاتى نانەوتیى پارێزگاکانى سلێمانى و هەڵەبجە، دوو ئیدارەکه‌ى گەرمیان و راپەڕین، 710  ملیار و 899 ملیۆن دینار بووە، كه‌ مانگانە به‌ تێکڕا دەکاتە نزیکەى 79 ملیار دینار.

پ ح ع