مەودا میدیا-

ئەمڕۆ چوارشەممە، نرخی نەوت لە بازاڕەكانی جیهان دابەزینی تۆماركرد دوای ئەوەی دوێنێ سێشەممە نرخەكەی بەرزبووەوە.

ئاژانسی رۆیتەرز بڵاویكردەوە "ئەمڕۆ سێشەممە، نرخی نەوت لە بازاڕی بۆرسە دابەزینی تۆماركرد و ئێستا یەك بەرمیل بە 32 دۆلار و 8 سەنتە بۆ نەوتی برێنێت، ئەوەش لە كاتێكدایە دوێنێ بە 33 دۆلار و 8 سەنت بوو".

هەروەها "نەوتی جۆری خاوی ئەمریكی بۆ 24 دۆلار و 45 سەنت دابەزی دوای ئەوەی رۆژی رابردوو لە سەرو 26 دۆلار بوو".

نەوزاد كامیل، شارەزای بواری ئابووری هەرێمی كوردستان بە مەودا میدیای راگەیاند "بەدڵنیاییەوە هەر دابەزین و بەرزبوونەوەیەك لەسەر نرخی نەوت كاریگەری دەبێت لەسەر داهات و ئابووری عیراق و هەرێمی كوردستان چونكە هەردوولا بەڕێژەی سەدی چاویان لە داهاتی نەوتە بۆ دابەشكردنی مووچە و كارەكانی تر".

ئەوەشی خستەڕوو "كاتێك نرخی نەوت دادەبەزێت داهاتی ناوخۆی عیراق و هەرێم كەمدەبێتەوە و كاریگەریشی دەبێت لەسەر مووچە، بەتایبەتی هەرێمی كوردستان".