ئابووری
حكومه‌تى هه‌رێم ئاگاى له مووچه‌ى مانگى یه‌ك نه‌ماوه
مەودا میدیا - سلێمانی |
مه‌ودا میدیا-
له‌كاتێكدا به‌هۆى حكومه‌تى هه‌رێم هیچ هیوایه‌ك نه‌ماوه بۆ مووچه‌ى مانگى 12ى فه‌رمانبه‌ران، له‌گه‌ڵ ئه‌وه‌شدا حكومه‌ت ئاگاى له مووچه‌ى مانگى یه‌ك نه‌ماوه.
فه‌رمانبه‌رانى هه‌رێمى كوردستان ساڵى 2023 سێ مووچه‌یان وه‌رنه‌گرت، ساڵى 2024یش مووچه‌یه‌كى فه‌رمانبه‌ران له لایه‌ن حكومه‌تى هه‌رێم دابه‌شنه‌كرا، ئه‌گه‌رچى به‌غدا ده‌ڵێت مووچه‌ى هه‌ر 12 مانگه‌كه‌ى ساڵى 2024مان بۆ هه‌رێم ناردووه.
هه‌ر له‌سه‌ره‌تاوه به‌هۆى سیاسه‌ته چه‌وته‌كانى حكومه‌تى هه‌رێم، مووچه‌ى فه‌رمانبه‌ران له‌واده‌ى خۆى دابه‌شنه‌ده‌كرا ئه‌وه‌ش به‌هۆى نه‌گه‌ڕانه‌وه‌ى داهاتى ناوخۆ و پابه‌ندنه‌بوون به ته‌وتینى مووچه‌ى فه‌رمانبه‌رانى هه‌رێم.
له ئێستاشدا كه فه‌رمانبه‌ران مووچه‌ى مانگى 12یان وه‌رنه‌گرتووه و مانگى یه‌كیش له ناوه‌ڕاستدایه، به‌ڵام حكومه‌تى هه‌رێم هێشتا باسى مووچه‌ى مانگى 12 ده‌كات و ئاگاى له مووچه‌ى مانگى یه‌ك نه‌ماوه كه به‌هۆیه‌وه خه‌ریكه فه‌رمانبه‌ران ده‌بێته 45 رۆژ مووچه‌یان دواكه‌وتووه.
ع
بیروڕا
