مه‌ودا میدیا-

کەشناسیی هه‌رێم سه‌باره‌ت به‌ پێشبینییه‌كانى كه‌شوهه‌وا، سه‌ربارى ئه‌وه‌ى رایگه‌یاندووه‌ "ئەگەری کەمێک دابارینی نمەباران و بەفر هەیە لە ناوچەکانی رۆژئاوای هەرێم"، ده‌شڵێت "ئەمڕۆ ئاسمان بە گشتی ساماڵ دەبێت".

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان بڵاویكرده‌وه‌ "ئەمڕۆ سێشەممە، ئاسمان بە گشتی ساماڵ دەبێت جگە لە بەشێک لە سنوورى پارێزگاى دهۆک ئاسمان نیمچەهەور دەبێت، لەگەڵ کەمێک دابارین لە ناوچە سنووورییەکانى ئەو پارێزگایە".

راشیگه‌یاندووه‌ "ئەمڕۆ پلەی گەرما کەمێک بەرز دەبێتەوە، بەڵام لە ناوچەی حاجی ئۆمەران نزمترین پلەی گەرما تۆمارکراوە کە 10 پلەی ژێر سفر بووە".

كه‌شناسی ئاماژه‌ى به‌وه‌شكردووه‌ "چوارشەممە، ئاسمان بەگشتى نیمچەهەور دەبێت و پلەی گەرماش کەمێک بەرز دەبێتەوە".

بەرزترین پلەکانی گەرمای پێشبینیکراو بە پلەی سیلیزی:

هەولێر: 14 پلەى سیلیزى

سلێمانی: 14پلەى سیلیزى

دهۆک: 12 پلەى سیلیزى

کەرکووک: 16 پلەى سیلیزى

زاخۆ: 12 پلەى سیلیزى

هەڵەبجە: 12 پلەى سیلیزى

حاجی ئۆمەران: 0 پلەى سیلیزى

سۆران: 12پلەى سیلیزى

گەرمیان: 17 پلەى سیلیزى

پ ح ع