مەودا میدیا-

بڕیارە هەفتەی داهاتوو وەفدی دانوستانکاری یەکێتی و پارتی بۆ جارێکی تر کۆببنەوەو گفتوگۆ لەبارەی پێکهێنانی حکومەت بکەن، کارگێڕییەکی مەکتەبی سیاسی پارتیش ئاشکرایدەکات پۆستەکان دابەش دەکەن.

هۆشیار زێباری، ئەندامی دەستەی کارگێڕی مەکتەبی سیاسیی پارتی رایگەیاند "هەفتەی داهاتوو لەگەڵ یەکێتی کۆدەبنەوە و گفتوگۆ لەسەر دابەشکردنی پۆستەکانی سێ سەرۆکایەتییەکە دەکەن".

ئاماژەی بۆ ئەوەشکرد "بۆ ئامادەکردنی کارنامەی کابینەی نوێی حکومەتی هەرێمی کوردستان لەگەڵ یەکێتی کە هاوبەشی سەرەکیانە گەیشتووینەتە لێکتێگەیشتنێکی باش".

ئەوەشی خستەڕوو " پێشبینی دەکەن لە دوو مانگی داهاتوودا حکومەتی هەرێمی کوردستان پێکبهێنرێت، پێکهێنانی کابینەی نوێ زیاتر درێژە ناکێشێت".

ب ح