مه‌ودا میدیا-

تورکیا رایده‌گه‌یه‌نێت "له‌ ئه‌نجامى هێرشه‌كانیان له‌ ناوچه‌كانى هه‌رێمى كوردستان حه‌وت گەریلای پەکەکە گیانیان لەدەستداوه‌"، و پەکەکەش ئاشكرایكردووه‌ "سێ سەربازی تورکیایان کوشتووە".
 
ئه‌مڕۆ شەممە، وەزارەتی بەرگریی تورکیا، لە هەژماری فەڕمیی خۆی لە تۆڕی کۆمەڵایەتیی ئێکس بڵاویكردووه‌ته‌وه‌ "حه‌وت گەریلای پارتی کرێکارانی کوردستان (پەکەکە) لە ناوچەکانی قەندیل و مەتین لە هەرێمی کوردستان، بە هێرشی ئاسمانی کراونەتە ئامانج و گیانیان لەدەستداوه‌".
 
راشیگه‌یاندووه‌ "لە هەموو دۆخێکدا ئۆپەراسیۆنەکانیان بەردەوام دەبن".
 
هاوكات، ناوەندی چاپەمەنی و راگەیاندنی هێزەکانی پاراستنی گەل (هەپەگە) رایگه‌یاندووه‌ "لە ناوچەکانی زاپ و مەتین لە هەرێمی کوردستان، هێرشیان کردووەتە سەر سوپای تورکیا و سێ سەربازیان لێ کوشتوون".
 
پ ح ع