مه‌ودا میدیا-

ژن و مێردێك بۆ گه‌شت سه‌ردانى گۆمى فێڵاویان له‌ سنورى ناوچه‌ى چۆمان كردبوو، به‌ڵام له‌ لایه‌ن ره‌وه‌ گورگه‌وه‌ ده‌وره‌ درابوون و دواتر رزگاركرا.

لە راگەیەنراوێكی بەڕێوەبەرایەتیی بەرگریی شارستانیی سۆران هاتووە "دوو هاوسەر کە بە مەبەستی گەشت و مانەوە لە هەولێرەوە روویان لە گۆمی فێڵاو كردووە لە شارۆكەی چۆمان، لە لایەن رەوە گورگێک دەورە درابوون و مەترسی لەسەر گیانیان دروستبووبوو".

باس له‌وه‌شكرابوو "دەستبەجێ تیمەکانمان لە بنکەی بەرگریی شارستانیی چۆمان بە سەرپەرشتی ئەفسەری بنکە دەرچوون بۆ بەهاناوەچوونیان و رزگارکردنیان بە هاوکاريی تیمێک لە  پۆلیسی فریاکەوتنی چۆمان".

له‌ كۆتایشدا باس له‌وه‌كرابوو "له‌ لایه‌ن تیمه‌كانه‌وه‌ توانرا ژیانى ئه‌و ژن و مێرده‌ رزگاربكرێت".

ع