مه‌ودا میدیا-

كه‌شناسیی هه‌رێم پێشبینییەكانی كەشوهەوای بۆ ئه‌مڕۆ و سبه‌ینێ بڵاوكردەوە و رایده‌گه‌یه‌نێت "شەپۆلێكی بارانبارین روو لەناوچەكەمان دەبێت".

بەڕێوەبەرایەتیی گشتیی كەشناسی و بومەلەرزە زانیی هەرێمی كوردستان بڵاویكردووه‌ته‌وه‌ "ئەمڕۆ سێشەممە، ئاسمانی هەرێم ساماڵ دەبێت و پلەكانی گەرما بەراورد بەدوینێ كەمێك بەرز دەبنەوە".

راشیگه‌یاندووه‌ "سبەی چوارشەممە، ئاسمان ساماڵ و پەڵەهەور دەبێت لە كاتەكانی بەیانی تا  نیوەرۆ، لە ئێوارەدا هەور زیاد دەكات لە ئاسمان و دەگۆڕێت بۆ نیمچەهەور  و لە شەودا بۆ هەوری تەواو".

كه‌شناسی ئاماژه‌ى به‌وه‌شكردووه‌ "لە كاتەكانی درەنگانی شەو كاریگەری شەپۆلێكی بارانبارین روو لەناوچەكەمان دەبێت".

بەرزترین پلەكانی گەرمای پێشبینیكراو بە پلەی سیلیزی:

هەولێر: 16 پلەی سیلیزی

سلێمانی: 12 پلەی سیلیزی

دهۆك: 16 پلەی سیلیزی

كەركوك: 18 پلەی سیلیزی

زاخۆ:  16 پلەی سیلیزی

هەڵەبجە: 11 پلەی سیلیزی

حاجی ئۆمەران: 6 پلەی سیلیزی

سۆران:  13 پلەی سیلیزی

گەرمیان: 18 پلەی سیلیزی

پ ح ع