مەودا میدیا-

لەبودجەی داهاتی کارەبای بەڕێوەبەرایەتی گشتی کارەبای سلێمانی، بەڕی زیاتر لە 162ملیۆن دینار، بەشی ئینارەی بەڕێوەبەرایەتی دابەشکردنی کارەبای سلێمانی چەند پرۆژەیەکی ئینارەی جێبەجێ دەکەن.

دابان عەبدولکەریم، لێپرسراوی بەشی ئینارە لە بەڕێوەبەرایەتی كارەبای سلێمانی رایگەیاند "لەسەر بودجەی داهاتی کارەبا چەند پرۆژەیەکی ئینارە ئەنجام دەدرێت کە خۆی دەبینێتەوە لە دانانی ئینارە بۆ شەقامی دانیاستی، گۆڕینی پێکهاتەی رووناکی پردی رەئوف بەگ، راستکردنەوە و چاککردنەوەی 30ستوونی کارەبا لەشەقامی سەرەکی تاسڵوجە ــسلێمانی".

هەروەها "گڵۆپی ئینارەکانی شەقامی دانیاستی و پردی رەئوف بەگ لە جۆری (LED)ی 150 واتی ئەوروپی دەبێت".

باسی لەوەشكردووە "کۆی گشتی بڕی بودجەی تەرخانكراو بۆ پرۆژەکان 162 ملیۆن و 330 هەزار دینار دەبێت".