مەودا میدیا-

بەڕێوەبەرایەتی گشتیی کەشناسی و بوومەلەرزەزانی هەرێم کەشى پێشبینیکراوى بۆ 48 کاتژمێرى داهاتوو بڵاوکردەوە و ئاشکرایکرد پله‌كانی گه‌رماش روو له‌نزمبوونه‌وه‌ ده‌كه‌ن.

کەشناسیی هەرێم رایگەیاند " ئه‌مڕۆ ئاسمان هه‌ور ده‌بێت، نمه‌ بارانی پچڕپچڕ له‌ شوێن و ناوچه‌ جیاجیا ده‌بێت، به‌ڵام له‌ ناوچه‌كانی پارێزگای سلێمانی و هه‌ڵه‌بجه‌ و ئیداره‌ی سۆران و راپه‌ڕین رێژه‌ی دابارین زیاتر ده‌بێت و بارانی مامناوه‌ند ده‌بارێت، له‌ ناوچه‌ شاخاوییه‌كان به‌ تایبه‌ت ناوچه‌ سنووریه‌كان به‌فردەبارێت".

ئاماژەی بۆ ئەوەش کرد  "پێشبینی ده‌كرێت بۆ كاته‌كانی شه‌و له‌ سه‌نته‌ری پارێزگای سلێمانی و ناوچه‌كانی ده‌وروبه‌ری سلێمانی و سه‌نته‌ری قه‌زای سۆران ئەگەری به‌فر بارین هەیە، پله‌كانی گه‌رماش نزیكه‌ی 2-4 پله‌ی سیلیزی به‌راورد به‌ تۆماركراوه‌كانی دوێنێ نزمده‌بنه‌وه‌".

ئەوەشی خستەڕوو "سبه‌ینێ ئاسمان به‌ گشتیی هه‌ور ده‌بێت و له‌ ناوچه‌كانی رۆژهه‌ڵاتی هه‌رێم نمه‌ باران و بارانی مامناوه‌ند به‌ پچڕپچڕی ده‌بارێت، هه‌روه‌ها له‌ ناوچه‌ شاخاوییه‌ سنووریه‌كان به‌فر بارین ده‌بێت، پله‌كانی گه‌رماش به‌رێژه‌ی 1-2 پله‌ی سیلیزی به‌راورد به‌ تۆماركراوه‌كانی ئه‌مڕۆ نزمده‌بنه‌وه‌".

به‌رزترین پله‌كانی گه‌رمای پێشبینیكراو به‌ پله‌ی سیلیزی :
هه‌ولێر     : 8 پله‌ی سیلیزی
سلێمانی   : 6 پله‌ی سیلیزی
دهۆك      : 7 پله‌ی سیلیزی
كه‌ركوك  :10  پله‌ی سیلیزی
زاخۆ      :  7 پله‌ی سیلیزی
هه‌ڵه‌بجه‌ : 6  پله‌ی سیلیزی
حاجی ئۆمه‌ران  : -4  پله‌ی سیلیزی
سۆران   : 2 پله‌ی سیلیزی
گه‌رمیان  : 12 پله‌ی سیلیزی

ب ح