مەودا میدیا-

بەڕێوەبەرایەتی گشتیی کەشناسی و بوومەلەرزەزانی هەرێمی کوردستان کەشى پێشبینیکراوى بۆ 48 کاتژمێرى داهاتوو بڵاوکردەوە.

کەشناسیی هەریم رایگەیاند "ئەمڕۆ ئاسمان بەگشتىیی ساماڵ و پەڵە هەور دەبێت ، لە رۆژهەڵاتى هەرێم هەورى تەواو دەبێت لەگەڵ بارینى بەفرو بارانێکى کەم وە لە  هەندێک لە ناوچە شاخاوییە سنوورییەکان، لە کاتەکانى شەودا دەگۆرێت بۆ هەورى تەواو، پلەکانی گەرما نزمدەبێتەوە بە (1 – 3) پلەى سیلیزى بەراورد بە تۆمارکراوەکانی دوێنێ.

ئاماژەی بۆ ئەوەشکرد "سبەینێ ئاسمان هەورى تەواو دەبێت، لەگەل بارینی بەفر لە زۆربەى ناوچە بەرزەکانى رۆژهەڵات و باکوورى رۆژهەڵاتى هەرێم بەشێوەى پچڕ پچڕ ، بەفر بارین سەنتەرى پارێزگاى سلێمانى و هەڵەبجە دەگرێتەوە ، وە بارینى بەفرێکى کەم لەسەنتەرى پارێزگاى هەولێرو کەرکوک، پلەکانی گەرما نزمدەبێتەوە بە ( 2 – 4 ) پلەى سیلیزى لە تۆمارکراوەکانی ئەمڕۆ".

کەشناسیی، بەرزترین پلەکانی گەرمای پێشبینیکراوی بەمشێوەیە لەنێوان شار و ناوچەکاندا خستووەتەڕوو:

هەولێر  : 6  پلەی سیلیزی
سلێمانی : 2 پلەی سیلیزی
دهۆک   : 4  پلەی سیلیزی   
زاخۆ     : 5 پلەی سیلیزی
هەڵەبجە : 3 پلەی سیلیزی
کەرکوک : 7 پلەی سیلیزی
گەرمیان : 7 پلەی سیلیزی

ب ح