مەودا میدیا-

دەزگای لوتکە بۆ کاروباری ئاوارە و پەنابەران بڵاویکردەوە،هەفتەی رابردوو پۆلیسی کەناراوەکانی ئیتاڵیا 156 کۆچبەریان لە دەریای ناوەڕاست رزگارکردووە.

دەزگای لوتکە بۆ کاروباری ئاوارە و پەنابەران راگەیەندراوێکی بڵاوکردەوە کە وێنەیەکی بۆ مەودا میدیا ناردووە ئاشکرایکرد"رۆژی چوارشەممەی رابردوو کەشتییەکی گەشتیاری 52 کۆچبەریان کردووە کە شەشیان ژن بوون و یەکێک لەوانەش دووگیان بووە".

ئاماژەی بۆ ئەوەشکرد "کەشتیی دووەم 64 کۆچبەری تری رزگار کردووە کە لە بەلەمێکی بچووکدابوون و پێنج ژن و منداڵێکی تەمەن سێ ساڵانی تێدابووە".

ئەوەشی خستەڕوو "کەشتیی فریاگوزاری رێکخراوی مرۆیی ئێس ئۆ ئێس زیاتر لە 40 کۆچبەری رزگارکردووە کە لە بەلەمێکی لاستیکیدا بوون".

ب ح