مەودا میدیا-

ئەمڕۆ شەممە 2025/2/22، به‌رێوه‌به‌رایه‌تی گشتیی حه‌ج و عومره‌ی هه‌رێمی كوردستان بڵاویکردەوە لەپێناو بەرژەوەندی گشتیی ماوەی گرێبەستی کۆمپانیاکانی درێژ کردووەتەوە.

به‌رێوه‌به‌رایه‌تی گشتیی حه‌ج و عومره‌ی هه‌رێم رایگەیاند "بەشێک لە خاوەن کۆمپانیاکان لە سعودیە بوون و ماوەی ئەمجامدانی گرێبەست تاوەکو رۆژی سێشەممە 2025/2/25 درێژکراوتەوە".

ئاماژەی بۆ ئەوەشکرد "دووبارە ئاگاداری سه‌رجه‌م ئه‌و كۆمپانیانه‌ ده‌كه‌ن كه‌ ناویان بۆ وه‌رزی حه‌جی ساڵی 2025 به‌رانبه‌ر به‌ ( 1446)ی كۆچی ده‌رچووه‌ به‌ زووترین كات سه‌ردانی به‌شی یاسایی به‌رێوه‌به‌رایه‌تی گشتیی حه‌ج و عومڕه‌ی كوردستان بكه‌ن به‌  مه‌به‌ستی واژووكردنی گرێبه‌ست".

ئەوەشی خستەڕوو "هه‌ر كۆمپانیایەک دوابكه‌وێت مافی به‌شداریكردنی نامێنێت و كۆمپانیایه‌كی یه‌ده‌گ له‌ شوێنی داده‌نرێت و ئەگەر هەر خاوەن  کۆمپانیایەک ئامادەنەبوو دەتوانێت بریکارەکەی یان پارێزەرەکەی خۆی بنێرێت".
 
باسی لەوەشکردووە "ئه‌و كۆمپانیانه‌ی كه‌ گرێبه‌ستی عومره‌یان نه‌كردووه‌ پێویسته‌ بڕی  پێنج هه‌زار دولار له‌گه‌ڵ خۆیان بهێنن وه‌كو بارمته".

ب ح