مه‌ودا میدیا-

سه‌باره‌ت به‌ هاتنه‌وه‌ى مانگى ره‌مه‌زانى پیرۆز و دانانى خشته‌ى نوێى پێدانى كاره‌با به‌ هاوڵاتییان له‌و مانگدا، كاره‌باى سلێمانى كۆده‌بێته‌وه‌.
 
سیروان محه‌مه‌د، لێپرسراوى راگه‌یاندنى كاره‌باى سلێمانى بۆ مه‌ودا میدیا رایگه‌یاند "ئه‌مڕۆ له‌ باره‌ى چۆنێتى پێدانى كاره‌با به‌ هاوڵاتییان و دانانى خشته‌ى نوێ بۆ مانگى ره‌مه‌زان كۆده‌بینه‌وه‌".

وتیشى "له‌گه‌ڵ خاوه‌ن موه‌لیده‌كان هه‌ماهه‌نگى ده‌كه‌ن و دواى بڕیاردان ته‌واوى زانیارییه‌كان بڵاوده‌كه‌نه‌وه‌".

ئه‌مه‌ له‌ كاتێكدایه‌، ته‌نیا چوار رۆژ ماوه‌ بۆ مانگى ره‌مه‌زان و به‌ هۆى ئه‌وه‌ى هاوڵاتییان و موسڵمانان به‌ خه‌به‌ر ده‌بن بۆ ئه‌نجامدانى په‌رشێو له‌ به‌ره‌به‌یاناندا، پێویستیان به‌ كاره‌با ده‌بێت له‌و كاتانه‌دا.

پ ح ع