مەودا میدیا-

شارەزایەکی بواری دارایی و بانک ئاشکرایکرد بڕی 28 ملیار دینار بۆ لیستی مووچەی مانگی دوو زیادکراوە بەمشێوەیەش رەنگە کێشە بۆ مووچەی مانگی دوو دروست بکات.

گوڵاڵە سدیق، شارەزای دارایی و بانک رایگەیاند "بۆ مانگی یەک، لیستەکەی هەرێم هاوتای بەغدا کراوە، واتە ئەو خانەنشینە پلە تایبەتانەی هەرێم کە بڕی مووچەکانیان زیاترە وەک لە هاوتاکانیان لە بەغدا، بۆ مانگی یەک بەهۆی هاوتاکردنەوەکەوە مووچەکەیان کەمیکردووە.

ئاماژەی بۆ ئەوەشکرد "ئەگەر خانەنشینێکی پلە تایبەتی هەرێم بڕی خانەنشینیەکەی دوو ملیۆن و 900 هەزار بێت، بەڵام بۆ مانگی یەک بەهۆی هاوتاکردنەکەوە بووە بە یەک ملیۆن و 800 هەزار دینار، بەڵام بۆ مانگی دوو دیسانەوە کردویانەتەوە بە دوو ملیۆن و 900 هەزار دینار، واتە حیلە شەرعی بۆ کراوە".

ئەوەشی خستەڕوو "وەک پێشتر گوترا، مووچەی مانگی یەک بووە بە بنەما بۆ مانگەکانی تر، لەوانەیە عیراق بەم زیادەیەی مانگی دوو رازی نەبێت، یان لەوانەیە ئەو جمودیەی لیستە کە باسیانکرد لەمساڵدا هیچ سەرەمووچەیەک نادرێت، هەر لەبەرخاتری ئەم پلە تایبەتانە بێت، واتە دیسان غەدر لە مووچەخۆری شارستانی کراوە، لە پێناو پلە تایبەتەکان".

ب ح