مەودا میدیا-

بەڕێوەبەرایەتی گشتیی کەشناسی و بوومەلەرزەزانی هەرێم کەشى پێشبینیکراوى بۆ 48 کاتژمێرى داهاتوو بڵاوکردەوەو دەڵێت ئەگەری تاوە باران و هەورە بروسکە هه‌یه‌.

کەشناسیی هەرێم رایگەیاند "ئه‌مڕۆ ئاسمان هەوری تەواو دەبێت لەگەڵ ئەگەری تاوە باران و بروسکە لە زۆربەی ناوچەکاندا لەکاتەکانی دوانیوەرۆ پێشبینی دەکرێت لەسەنتەری شارەکانیش ببارێت، وە هەروەها رێژەی دابارین لە ناوچەکانی رۆژهەڵات و سنووری پارێزگای سلێمانی و ناوچەکانی بادینان زیاتر دەبێت".

ئاماژەی بۆ ئەوەشکرد "سبەینێ ئاسمان هەوری تەواو دەبێت لەگەڵ ئەگەری تاوە باران و بروسکە لەناوچە جیاجیاکانی هەرێم، زیاتر لەناوچە شاخاوییەکان و رۆژهەڵاتی هەرێم پاشان ئاسمان بەرەو نیمچە هەور دەگۆڕێت لەکاتەکانی ئێوارە کەشەکە سەقامگیر دەبێتەوە".

کەشناسیی، بەرزترین پلەکانی گەرمای پێشبینیکراوی بەمشێوەیە لەنێوان شار و ناوچەکاندا خستووەتەڕوو:

هەولێر : 19  پلەی سیلیزی
سلێمانی: 15 پلەی سیلیزی
کەرکوک: 19 پلەی سیلیزی  
دهۆک   : 17  پلەی سیلیزی
هەڵەبجە: 15 پلەی سیلیزی
گەرمیان: 18 پلەی سیلیزی
سۆران  : 14 پلەی سیلیزی
زاخۆ: 17 پلەی سیلیزی
حاجی ئۆمەران: 7 پلەی سیلیزی

ب ح