مه‌ودا میدیا-

ئێواره‌ى ئه‌مڕۆ یه‌كشه‌ممه‌، هه‌ر یه‌كه‌ له‌ بافڵ جه‌لال تاڵه‌بانى، سه‌رۆكى یه‌كێتیی نیشتمانیی كوردستان و مه‌سرور بارزانى، پاڵێوراو بۆ سه‌رۆكى حكومه‌تى داهاتوو كۆبوونه‌وه‌.

له‌ دواى كۆبوونه‌وه‌كه‌، بافڵ جه‌لال تاڵه‌بانی وتى "كۆبوونه‌وه‌كه‌مان زۆر باشبوو، له‌ شتانێك رێككه‌وتین كه‌ بۆ میلله‌ته‌كه‌مان گرنبێت و ده‌مانه‌وێت حكومه‌تێكى زۆر باش پێكبهێنین".

دواتریش مه‌سرور بارزانى وتى "دووه‌مجاره‌ كۆده‌بینه‌وه‌ و كۆبوونه‌وه‌كانیش ئه‌رێنین، بۆ لێكنزیكبوونه‌وه‌ى هه‌ردوولا، تێگه‌یشتنى زۆر باش هه‌بووه‌ و هیوادارین تیمه‌كانى هه‌ردوولا بگه‌نه‌ رێككه‌وتن له‌سه‌ر حكومه‌تى نوێ و دڵى خه‌ڵكى خۆش بكه‌ین".

هه‌فته‌ى رابردوو مه‌ودا میدیا بڵاویكرده‌وه‌ "له‌ رۆژانى داهاتوو یه‌كێتى و پارتى له‌سه‌ر پێكهێنانى حكومه‌ت ده‌گه‌نه‌ رێككه‌وتن، یه‌كێتى هه‌ندێك داواكاریی ماوه‌ كه‌ خۆى له‌ بڕیاردانى ناو حكومه‌ت ده‌بینێته‌وه‌ و ده‌یه‌وێت به‌ته‌واوى ده‌سه‌ڵاته‌وه‌ به‌شداربێت".

ع