مه‌ودا میدیا-

ئه‌ندامێكى په‌رله‌مانى عیراق له‌ فراكسیۆنى یه‌كگرتووى ئیسلامیی كوردستان رایگه‌یاند، كێشه‌ى مووچه‌ى فه‌رمانبه‌رانى هه‌رێمى كوردستان كۆتایی هاتووه‌.

دارا سێکانیانی ئەندامی ئەنجومەنی نوێنەرانی عێراق به‌ مه‌ودا میدیا "کێشەی مووچەی هەرێمی کوردستان لە ئێستا کۆتایی هاتووە و هەر کێشەیەک بێتە پێش حکومەتی هەرێم لێی بەرپرسە".

وتیشی "فەرمانبەر و مووچەخۆرانی هەرێم نابێت باجی هەڵە و کەمو کوڕییەکانی حکومەتی هەرێم بدات بەوەی کە حکومەتی هەرێم راستگۆ نییە لەگەڵ بەغداد و پابەندی بڕیارەکانی دادگای باڵای فیدراڵیی نابێت".

ئه‌وه‌شى خسته‌ڕوو "راسته‌ به‌غداش زۆر راستگۆ نییه‌، به‌ڵام گرفتى كێشه‌ى مووچه‌ په‌یوه‌ندى به‌ حكومه‌تى هه‌رێم هه‌یه‌".

ئه‌مڕۆ وه‌زاره‌تى دارایی هه‌رێم رایگه‌یاند "چاوه‌ڕێى ده‌كه‌ین سبه‌ینێ به‌غدا پاره‌ى مووچه‌ى فه‌رمانبه‌رانى هه‌رێم بخاته‌ سه‌ر حسابى وه‌زاره‌تمان".