مه‌ودا میدیا-

شاره‌زایه‌كى كه‌شوهه‌وا رایگه‌یاند، سه‌رما كۆتایی دێت و پله‌كانى گه‌رما ده‌ستپێده‌كات و بۆ رۆژانى جه‌ژن پله‌كانى گه‌رما زیاتر به‌رزده‌بنه‌وه‌.

ئاراس جەبار، شارەزای كه‌شوهه‌وا به‌ مه‌ودا میدیاى رایگەیاند "لە سبەی سێشەممەوە بارستە ھەوای ساردی باکوور، کە چەند رۆژێکە کاریگەریی لەسەر ناوچەکانمانە دووردەکەوێتەوە و لاواز ئەبێت و پلەکانی گەرما 2 تا 3 پلە به‌رزده‌بنه‌وه‌ و لەرۆژانی داھاتووشدا پلەکانی گەرما پلە بە پلە بەردەوام بەرزدەبێتەوە".

باسی لەوەشکرد "لە ئەنجامی ھاتنی بارستە ھەوایەکی گەرم، کە لە باکووری ئەفریقاوە دروستبووە و لە کۆتایەکانی ئەم مانگەدا، کە دەکاتە کۆتایی ئەم ھەفتە و سەرەتای ھەفتەی داھاتوو لەنێوان 27ی3 بۆ 31ی 3 کاریگەرییەکانی بەتەواوی ئەگاتە سەر ناوچەکانی عیراق و ھەرێمی کوردستان و کەشێکی گەرم دەستپێدەکات و پلەی گەرمی بەراورد بە کاتی ئێستا زیاتر لە 10 پلە بەرزدەبێتەوە".

ئەوەشی خستەڕوو "کەشی ناوچەکە بەدرێژایی ئەو ماوەیە سەقامگیر ئەبێت و جاروبار پەڵە ھەور ئەبینرێ لە ئاسماندا".

ع