مه‌ودا میدیا-

به‌ڕێوه‌به‌رایه‌تیی گشتیی رێگاوبان و ئاوه‌دانكردنه‌وه‌ى سلێمانى هاتوچۆى بارهه‌ڵگرى به‌رزى به‌ تونێلى ده‌ربه‌ندیخان قه‌ده‌غه‌كرد.

بەڕێوەبەرایەتیی گشتیی ڕێگاوبان و ئاوەدانکردنەوە بڵاویكرده‌وه‌ "بەهۆی دانان و جێگیرکردنی گانترییەکان (عارچ) لەلایەن بەڕێوەبەرایەتیی چاککردنەوەو پاراستنی رێگاوبانی سلێمانی  بەمەبەستی پاراستنی رووکەشی ناو تونێلی دەربەندیخان لە رۆژی چوارشەممە رێکەوتی (26/03/2025) رێگە بەو بارهەڵگرانە نادرێت بە تونێلەکەدا تێپەڕ ببن کە بەرزییان لە 4.10م زیاترە و پێویستە رێڕەوی هاتوچۆیان بگۆڕن".

تونێلى ده‌ربه‌ندیخان به‌هۆى هه‌ڵكه‌وتویی شوێنه‌كه‌ى، ساڵانه‌ ده‌یان تانكه‌ر له‌ ده‌روازه‌ى تونێله‌كه‌ وه‌رده‌گه‌ڕێن یان تووشى رووداوى هاتوچۆ ده‌بن و قوربانیی لێده‌كه‌وێته‌وه‌، ئه‌مه‌ جگه‌له‌وه‌ى ئاسته‌نگى هاتوچۆش دروست ده‌كه‌ن.

ع