مەودا میدیا-

سەڕەرای بانگەوازەکەی عەبدوڵڵا ئۆجەلان بۆ ئاشتیی و راگەیاندنی بڕیاری ئاگربەستی تاکلایەنە لەلایەن پارتی کرێکارانی کوردستان و پابەندبوون بە پەیامەکەی ئۆجەلان بەڵام هێرش و بۆردومانەکانی تورکیا بۆ سەر هەرێمی کوردستان بەردەوامە.

ناوەندی راگەیاندن و چاپەمەنیی هێزەکانی پاراستنی گەل (هەپەگە)رایگەیاند "تورکیا لە سێ رۆژدا 937 جار لە ئاسمان و زەوییەوە ناوچەکانی هەرێمی کوردستانی بۆردومان کردووە و هێزەکانیشیان لە وەڵامدا سەنگەرێک و کامێرایەکی چاودێری سوپای تورکیایان لەناوبردووە".

ئاماژەی بۆ ئەوەشکرد "رۆژانی  23 و 24ی ئەم مانگە تورکیا رۆژئاوای زاپی سێ جار بە درۆنی بۆمبڕێژ بۆردومان کردووە، رۆژی 25ی ئاداریش خواکورک و گارە بە گشتیی نۆ جار بە فڕۆکەی جەنگی بۆردومانکراون و  رۆژئاوای زاپیش 28 جار بە فڕۆکەی جەنگی بۆردومان کردووە".

ئەوەشی خستەڕوو "هێزەکانی گەریلا لە رۆژی  23ی ئەم مانگە لە رۆژئاوای زاپ بە چەکی نیو ئۆتۆماتیک و چەکی قورس بەرپەرچی سوپای تورکیایان داوەتەوەو کامێرایەکی چاودێری و سەنگەرێکی هێزەکانی تورکیایان لەناوبردووە".

ب ح