مەودا میدیا-

دادگای فیدراڵی داوایەكی گۆڕانی باڵی (گردەكە) دژی دانای ئەحمەد مەجید رەتكردەوە، كە داوایانكردبوو بڕیاری دەستەی كۆمسیارانی هەڵبژاردنەكانی عیراق هەڵىوەشێننەوە.

بەپێی زانیارییەکان، هۆشیار عومەر، بەرپرسی ژووری پەیوەندییە دیپلۆماسییەكانی بزووتنەوەی گۆڕان سكاڵایەكی تۆمار كردبوو کە تێیدا داوایكردبوو بڕیاری دەستەی كۆمسیارانی هەڵبژاردنەكانی عیراق هەڵبوەشێنرێتەوە، دەرفەت بدرێت بە سەركردایەتی سەربەخۆی گۆڕان درێژە بە ئەركەكانیان بدەن بۆ ماوەی شەش مانگ دوای دەستلەكاركێشانەوەیان.

هۆشیار عومەر لە سكاڵاكەدا داوایکردووە بڕیاری دادگای تاوانەكان بۆ راگرتنی سەرجەم رێوشوێنە دادوەرییەكانی لەسەر دانا ئەحمەد مەجید رەتبكرێتەوە، بەڵام دادگای فیدراڵی ئەم سکاڵایەی رەتکردووەتەوە.

ئەمە لە کاتێکدایە، ساڵی رابردوو دوای دەستلەکارکێشانەوەی (عومەری سەید عەلی) رێکخەری گشتیی گۆڕان، بزووتنەوەکە بەسەر دوو بەرەدا داشبوون، بەشێوەیەک بەرەیەك (دانا ئەحمەد مەجید) و ژمارەیەك سەركردەی تری گۆڕان سەرۆكایەتی دەكات لە گردەکە کشانەوەو لە گەڕەکی کوردساتی شاری سلێمانی بارەگایان داناوە، بەرەیەکی تریش کە لە لە ئەندامانی جڤاتی نیشتیمانی گۆڕان پێکهاتوون لە گردەكە ماونەتەوە.

ب ح