مەودا میدیا-

چالاکوانێکی بواری کۆچبەران بڵاویکردەوە رۆژی 3/29 ژمارەیەک لە کوردانی دانیشتووی بەریتانیا بە مەبەستی گەڕانەوە بۆ کوردستان لە شاری مانچیستەر گەشتیان بۆ قەتەر کردووە، بەڵام تاوەکو ئێستا چارەنووسیان نادیارەو كه‌سوكاری گەشتیارەکانی فڕۆکەکە داوای سۆراخ و بەدواداچوون له‌ لایه‌نه‌ په‌یوه‌ندیداره‌كان ده‌كه‌ن.

رەنج پشدەری، رۆژنامەنووس و چالاکوانی بواری کۆچبەران لە ئەوروپا رایگەیاند "ماوه‌ی چوار رۆژه‌ فڕۆكه‌یه‌ك كه‌ له‌ وڵاتی به‌ریتانیاوه‌ به‌ره‌و قه‌ته‌ر به‌ڕێكه‌وتووه‌، له‌ قه‌ته‌ر دیار نه‌ماوه‌ و زۆربەی سه‌رنشینه‌كانییش خه‌ڵكی هه‌رێمی كوردستانن".

ئاماژەی بۆ ئەوەشکرد "رۆژی عەرەفە فڕۆكه‌یه‌ك له‌ شاری مانچێسته‌ری به‌ریتانیاوه‌ به‌ره‌و قه‌ته‌ر به‌ڕێکەوتووە، به‌ڵام له‌گه‌ڵ گه‌یشتنیان به‌ دەوحە به‌بیانووی نه‌مانی فڕۆكه‌ رۆژێک لە هۆتێل دەیانهێڵنەوە، دوای ئه‌وه‌ش كۆی سه‌رنشینان و گه‌شتیاران له‌نێو وڵاتی قه‌ته‌ر ده‌نگیان نامێنێت و هیچ كه‌سێك هه‌واڵییان له‌باره‌وه‌ نازانێت".

ب ح