مه‌ودا میدیا-

مانگى داهاتوو سه‌فه‌رى حه‌ج ده‌ستپێده‌كات بۆ ئه‌وانه‌ى ناویان بۆ ئه‌نجامدانى حه‌جى ئه‌مساڵ گه‌ڕاوه‌ته‌وه‌.

میران سه‌میر، خاوه‌نى كۆمپانیاى حه‌ج و عومره‌ به‌ مه‌ودا میدیاى راگه‌یاند "مانگى داهاتوو له‌ ناوه‌ڕاستى مانگ سه‌فه‌رى ماڵى خودا بۆ ئه‌نجامدانى فه‌ریزه‌ى حه‌ج ده‌ستپێده‌كات بۆ ئه‌وانه‌ى ناویان بۆ حه‌جى ئه‌مساڵ گه‌ڕاوه‌ته‌وه‌".

وتیشى "ئه‌وانه‌ى به‌ رێگه‌ى وشكانى سه‌فه‌ر ده‌كه‌ن چه‌ند رۆژێك زووتر ده‌كه‌ونه‌ رێ و دواتریش ئه‌وانه‌ى به‌ رێگه‌ى ئاسمانى سه‌فه‌ر ده‌كه‌ن".

ئه‌وه‌شى خسته‌ڕوو "راگرتنى فیزا بۆ ئه‌وه‌یه‌ تا گرفت دروستنه‌بێت وه‌ك ساڵى رابردوو، چونكه‌ كه‌سانێك به‌بێ ئه‌وه‌ى ناویان گه‌ڕابێته‌وه‌ بۆ حه‌ج ده‌چنه‌ سعودیه‌ و حه‌ج ئه‌نجامده‌ده‌ن به‌ نایاسایی".

ع