مەودا میدیا-

ناوەندی راگەیاندن و چاپەمەنی هێزەکانی پاراستنی گەل (هەپەگە)، سەبارەت بە هێرشەکانی  تورکیا و وەڵامدانەوەی هێرشەکان لەلایەن هێزەکانیانەوە پەیامێکی بڵاوکردەوە.

هەپەگە رایگەیاند "رۆژانی 30 و 31ی ئادار و یەکی نیسان سوپای تورکیا خواکورک، گارە، مەتینا، رۆژئاوای زاپی 15 جار بە فڕۆکەی جەنگی بۆردوومانکردووە".

ئاماژەی بۆ ئەوەشکرد "رۆژانی 30 و 31ی ئادار و یەک و دووی نیسان، سوپای تورکیا  خواکورک، گارە، مەتینا، رۆژئاوای زاپ، بەگشتیی 963 جار بە چەکی قورس و تۆپ و هاوەن تۆپباران کردووە".

ئەوەشی خستەڕوو "هێزەکانی گەریلا  لە یەک و دووی نیسان لە مەتینا و رۆژئاوای زاپ  بە چەکی نیمچە ئۆتۆماتیک وەڵامی هێرشەکانی تورکیایان داوەتەوەو درۆنێکی بۆمب هەڵگریشیان تێکشکاندووە".

ب ح