مەودا میدیا-

بەڕێوەبەرایەتیی پاسپۆرتی پارێزگای سلێمانی سەبارەت بە نۆرەگرتنی ئەلیكترۆنی لە راگەیەندراوێکدا هاوڵاتییان ئاگاداردەكاتەوە.

بەڕێوەبەرایەتیی پاسپۆرتی پارێزگای سلێمانی رایگەیاند "ئەو هاوڵاتییانەی نۆرەی ئەلیكترۆنی ناگرن، بڕی 100 هەزاری زیاتریان لێوەردەگیرێت".

ئاماژەی بۆ ئەوەشکرد "تێچووی مامەڵەكان بڕی 91 هەزار دینارە، بەڵام ئەو هاوڵاتییانەی نۆرەی ئەلیكترۆنی ناگرن، بڕی 191 هەزار دیناریان وەك رسوومات لێوەردەگیرێت ".

ئەوەشی خستەڕوو "پێویستە هاوڵاتییان لەكاتی دیاریكراوی خۆیاندا كە بە نامەی ئەلیكترۆنی بۆیان نێردراوە، سەردانی بەڕێوەبەرایەتیی پاسپۆرت بكەن بۆ جێبەجێكردنی مامەڵەكان تەنها كار بە كارتی نیشتمانی دەكرێت، هەروەها ئەو هاوڵاتییانەی دەیانەوێت نۆرەی ئەلیكترۆنی بۆ وەرگرتنی پاسپۆرت بگرن، دەتوانن لە رێگای QR كۆدی تایبەت بە پێگەی فەرمی پاسپۆرتەوە نۆرەكانیان وەربگرن".

ب ح