مەودا میدیا-

ئەمڕۆ پێنجشەممە 2025/4/3، وەزیری پەروەردەی هەرێم ئاشکرایکرد تاقیکردنەوەکانی پۆلی 12ی ئامادەیی لە سەرتاسەری هەرێمی کوردستان لە 2025/6/1، لە وادەی خۆیدا ئەنجام دەدرێن.

ئالان حەمەسەعید، وەزیری پەروەردەی هەرێم رایگەیاند "دوای تاقیکردنەوەکانی پۆلی 12، وەزارەت هەوڵەکانی بۆ ڕێکخستنەوەی میلاکات بۆ ساڵی ئاییندە چڕدەکاتەوە".

ئەوەشی خستەڕوو "خوێندن لە سنووری پارێزگای سلێمانی دەستیپێکردووەتەوە و دەسەڵات بە بەڕێوەبەرایەتییەکانی پەروەردەکانی (سلێمانی، هەڵەبجە، گەرمیان، راپەڕین)دراوە بۆ دانانی خشتەی تاقیکردنەوەکانی پۆلە ناکۆتاکان".

ئەوەشی خستەڕوو "پرۆگرامەکانی خوێندن بۆ پۆلەکانی نۆی بنەڕەت و 12ی ئامادەیی لە 10٪ بۆ 12کەمکراوەتەوە".

ب ح