مەودا میدیا-

بەڕێوەبەرایەتی پۆلیسی دارستان و ژینگەی پارێزگای سلێمانی ئاشکرایکرد هەوڵەکانیان بۆ نەهێشتنی دیاردەی داربڕین و راوکردن بەردەوامە.

پۆلیسی دارستان و ژینگەی پارێزگای سلێمانی رایگەیاند "لە ئەنجامی بەدواداچوون و گەڕانی مەیدانی مەفرەزەکانی بەشی پۆلیسی دارستان و ژینگەی پێنجوێن توانیان لە سنووری گوندی (وریاوا) هاوڵاتییەکیان بەتۆمەتی داربڕین دەستگیرکردووەو دەستیشیان بەسەر ئۆتۆمبێلەکەیدا گرتووە".

ئاماژەی بۆ ئەوەشکرد "لەلایەن مەفرەزەیەکی بەشی پۆلیسی دارستان و ژینگەی شارەزوور و لەئەنجامی دەرچوونی مەیدانی لەناو دەریاچەی دەربەندیخان و بە دیاریکراوی لە سنووری گوندی ( بیسەڵمێن) دەستیان بەسەر یەک بەلەم و سێ تۆڕدا گرتووەو هەوڵی دەستگیرکردنی سەرپێچیکارانیش دەدەن".

ب ح