کوردستانی
گۆڕان 53 كەسی وەك ئەندامی جڤاتی نیشتمانی هەڵبژارد
مەودا میدیا - سلێمانی |
مەودا میدیا-
بەیانی ئەمڕۆ باڵی گردی زەرگەتەی بزووتنەوەی گۆڕان سێیەمین كۆنفرانسی خۆی ئەنجامدا و تیایدا 53 كەسی وەك ئەندامی جڤاتی نیشتمانی بزوتنەوەكە هەڵبژارد.
عەلی تۆفیق، ئەندامی سێیەمین كۆنفرانسی بزوتنەوەی گۆڕان بە مەودا میدیای راگەیاند"ئەمڕۆ بەشێوەیەكی سەركەوتووانە كارەكانی كۆنفرانس كۆتایی هاتووە و تیایدا 53 كەسیان وەك ئەندامی جڤاتی نیشتمانی هەڵبژاردووە لەگەڵ چەند ئەندامێكی تری یەدەكیش".
وتیشی"ئەمڕۆ خانەی راپەڕاندن و رێكخەری گشتی هەڵنابژێردرێن و دەخرێتە كاتەكانی داهاتوو بۆئەوەی كاری جدی لەسەر بكرێت و بەرنامەی تابیەتی بۆ دابنرێت دواتر بڕیاری لەبارەوە دەدرێت".
ئاماژەی بۆ ئەوەشكرد"ئەو ئەندامانەی كە هەڵبژێردراون كار لەسەر ئەوە دەكەن كە هەیلەكی بزوتنەوەی گۆڕان رێكبخەنەوە و لە ماوەی شەش مانگی داهاتووشدا كۆنفرانسێكی تر دەبەستنەوە و ئەوكات بڕیار لە هەڵبژاردنی ئەندامانی خانەی گشتی و رێكخەری گشتی دەدرێت".
ئەمە لیستی ناوی ئەندامانی جڤاتی نیشتمانیی گۆڕان و ئەندامە یەدەگەكانە
ئ پ
بیروڕا
