مەودا میدیا-

بەڕێوەبەرە گشتیەکانی فەرمانگەی رێكخراوه‌ ناحکومییەکان لە ئەنجومەنی وەزیرانی هەرێم كه‌ ژماره‌یان شه‌ش رێكخراوه‌ له‌ كۆنگره‌یه‌كی رۆژنامه‌وانیدا ئاشکرایانکرد به‌هۆكاری بوونی  گه‌نده‌ڵی دارایی و كارگێڕی و یاسایی له‌ فه‌رمانگه‌كه‌یان دەستلەکاردەکێشنەوە.

بەڕێوەبەرە گشتیەکانی فەرمانگەی رێكخراوه‌ ناحکومییەکان رایانگەیاند "مانگانه‌ چه‌ندین ملیۆن دینار به‌بێ بوونی به‌ڵگه‌ و وه‌سڵێكی یاسایی بەهەدەر دەدرێت، كه‌ له‌سه‌ر ئه‌و گه‌نده‌ڵییانه‌ به‌ڕێوه‌به‌ری دارایی یاداشتی داوه‌ته‌ سه‌رۆكی فه‌رمانگه‌ و به‌ڕێوه‌به‌رایه‌تی به‌دواداچونی سڕكردووه‌".

ئاماژەیان بۆ ئەوەشکرد "رێكخراوه‌كانی پێدانی قه‌رز له‌ هه‌رێمی كوردستان كه‌ به‌ده‌رن له‌ گشت یاسا و رێنماییه‌كان، قه‌رز به‌ زیاتر له‌ رێژه‌ی یاسایی به‌ خه‌ڵكی كوردستان ده‌ده‌ن، به‌وهۆیه‌وه‌ ده‌یان ملیۆن دۆلاریان به‌ خه‌ڵكداوه‌ كه‌ ئه‌و كاره‌ جگه‌ له‌وه‌ی دوور له‌ كاری رێكخراوه‌یی پێشێلكاریی یاسایە له‌ هه‌رێمی كوردستان".

ئەوەشیان خستەڕوو "رێگه‌ به‌ رێكخراوه‌كانی هاوڕه‌گه‌زبازییەکان ده‌درێت كاربكه‌ن و له‌ئێستادا چه‌ندین رێكخراو به‌ ئاشكرا كار بۆ هاوڕه‌گه‌زبازی ده‌كه‌ن له‌ هه‌رێمی كوردستان و به‌ڵگه‌ی پێویست له‌وباره‌یه‌وه‌ له‌به‌رده‌ستدان".

ب ح