مەودا میدیا-

رۆژی شەممە 2025/4/4، بەهۆی بارین تەرزە لە سنووری ئیدارەی سۆران زیان بە چەندین ئۆتۆمبێلی هاوڵاتییان کەوت، لە بەرانبەردا هاوڵاتییان داوای هاوکارییان لە حکومەت کرد، ئەمڕۆش لەلایەن بەرگری شارستانی سۆرانەوە پشکنین بۆ زانینی قەبارەی زیانەکان دەستیپێکرد".

کاروان میراودەلی، بەڕێوەبەری بەرێوەبەرایەتی بەرگری شارستانی سۆران رایگەیاند "سێ لیژنەیان پێکهێناوە بۆ خەملاندنی زیانلێکەوتووانی تەزرە بارینی رۆژانی رابردوو".

ئاماژەی بۆ ئەوەشکرد "داوا لە زیانلێکەوتووان دەکەن بۆ کاری تۆمارکردن و هەڵسەنگاندن سەردانی بەرێوەبەرایەتی بەرگری شارستانی سۆران بکەن  و کارتی نیشتمانی و ساڵیانی ئۆتۆمبێل و وە ئۆتۆمبێلەکانیشیان ئامادە بێت بۆ دیاریکردن و زانینی قەبارەی زیانەکان و تۆمارکردنیان و پشکنین تاوە کاتژمێر 1:30ی پاش نیورۆ دەبێت".

ئەوەشی خستەڕوو "داوا لە هاوڵاتیئان دەکەن بەپێی شوێنی جوگرافیان تاوەکو رۆژی پێنجشەممە سەردانی ئەم شوێنانە بکەن چونکە دوا وادەی ناو تۆمارکردنە".

1- بەڕێوەبەرایەتی بەرگری شارستانی سۆران شەقامی کاوە (حریق).
2- بنکەی بەرگری شارستانی ڕواندز .
3- بنکەی بەرگری شارستانی دیانا .

ب ح