مەودا میدیا-

بەڕێوەبەرایەتی پاسپۆرتی پارێزگای سلێمانی بۆ دەرکردن و نوێکردنەوەی پاسپۆرت هاوڵاتییانی دەرەوەی وڵات ئاگادار دەکاتەوە.

پاسپۆرتی پارێزگای سلێمانی رایگەیاند "بۆ دەرکردن و نوێکردنەوەی پاسپۆرت بەهیچ جۆرێک کار بە وێنەی تۆماری ئەلیکترۆنی (صورة قید) ناکرێت، چونکە بەبڕیاری وەزارەتی ناوخۆی حکومەتی عیراق کارکردن پێی راگیراوە".

ئاماژەی بۆ ئەوەشکرد "بۆ نوێکردنەوە و دەرکردنی پاسپۆڕت تەنها کار بە کارتی نیشتمانیی دەکرێت، پێویستە ئەو هاوڵاتییانە لەکاتی گەڕانەوەیان بۆ هەرێمی کوردستان مۆڵەتی 30 رۆژ وەربگرن، لەبەرئەوەی تەواوبوونی کارتی نیشتمانی ماوەکەی (20 بۆ 30) رۆژی پێدەچێت".

ب ح