مەودا میدیا-

وەفدی پارتی یەکسانیی و دیموکراسیی گەلان (دەم پارتی) کە لە پەروین بوڵدان و سری سورەیا ئۆندەر پێکهاتووە، دوای کۆبوونەوەیان لەگەڵ ئەردۆغان پەیامێکیان بڵاوکردەوە.

وەفدی دەمپارتی رایگەیاند "هەڵسەنگاندن کرا بۆ هەنگاوەکانی دواتر کە بۆ کۆتایی هاتنی شەڕ و توندوتیژی، دروستبوونی گۆڕەپانێکی دیموکراتیک و سیاسی بۆ وڵات و گەلەکەمان و ناوچەکە گرنگییەکی ژیانییە".

ئاماژەی بۆ ئەوەشکرد "پارت و وەفدەکەمان بۆ ئەوەی بە بەهێزتر و بە ئیرادەیەکی هەستیارەوە ئەو پرۆسەی لە پێشمانە و بانگەوازیی ئاشتی و کۆمەڵگای دیموکراتی بخاتە بواری جێبەجێکردنەوە، درێژە بە کارەکانی خۆی دەدات".

ب ح