مه‌ودا میدیا-

به‌هۆى كه‌مبارانى له‌ چه‌ندین ناوچه‌ى هه‌رێمى كوردستان، به‌ڕێوه‌به‌رى سامانى ئاژه‌ڵ رایگه‌یاند، نرخى كا و جۆ له‌ وه‌رزى دروێنه‌كردن گرانده‌بن.

فیراس سدیق، به‌ڕێوه‌به‌رى سامانى ئاژه‌ڵ له‌ وه‌زاره‌تى كشتوكاڵى حكومه‌تى هه‌رێم به‌ مه‌ودا میدیاى راگه‌یاند "له‌ چه‌ندین ناوچه‌ كه‌مبارانى هه‌بووه‌، ئه‌وه‌ش واده‌كات له‌وه‌ڕگاكان و گه‌نم و جۆ به‌شێوه‌یه‌كى باش گه‌شه‌نه‌كه‌ن".

وتیشى "كه‌مبارانى كاریگه‌ریی له‌سه‌ر گه‌نم و جۆ هه‌یه‌، به‌و پێیه‌ كا له‌ گه‌نم و جۆ ده‌رده‌كرێت، بۆیه‌ له‌گه‌ڵ وه‌رزى دروێنه‌ پێشبینییه‌كان بۆ ئه‌وه‌ن نرخیان گرانبێت".

ئه‌وه‌شى خسته‌ڕوو "نه‌بوونى له‌وه‌ڕگا و گرانبوونى نرخى كا و جۆ كاریگه‌ریی له‌سه‌ر هه‌رزانبوونى ئاژه‌ڵى زیندوو ده‌بێت".

ع