مەودا میدیا-

بەڕێوەبەرایەتیی هاتوچۆی زاخۆ سەبارەت بەخستنەكاری كامێراكانی تۆماركردنی سەرپێچی هاتوچۆ لە سنوورەكەیان راگەیەندراوێكی بڵاوكردەوە.

هاتوچۆی زاخۆ ئاماژەی بۆ ئەوەکرد "شۆفێران ئاگادار دەکەنەوە کە سبەینێ  کامێراکانی خاڵ بۆ خاڵ (پۆینت تو پۆینت) لەسەر رێگای سەرەکیی دهۆک -زاخۆ، هەروەها شەقامی سەرەکیی نێوان تونێلی گەلی لە زاخۆ بۆ چوارریانی سحێلا، دەکەونەکار".

ئەوەشی خستەڕوو "داوا لە شۆفێران دەکەن پابەندی رێنماییەکانی هاتوچۆ بن، زۆرترین خێرایی بۆ ئۆتۆمبێلی تایبەت 100 كیلۆمەترە لە کاتژمێرێکدا و بۆ بارهەڵگرەکانیش 80 كیلۆمەترە لە کاتژمێرێکدا".

ب ح