مەودا میدیا-

ئەمڕۆ شەممە 2025/4/26، خولی سێیەمی دانوستانە ناڕاستەوخۆکانی ئێران و ئەمەریکا بە سەرۆکایەتی عەباس عێراقچی، وەزیری دەرەوەی ئێران و  ستیڤ ویتکۆف، نوێنەری تایبەتی سەرۆکی ئەمەریکا بۆ ڕۆژهەڵاتی ناوەڕاست لە شاری مەسقەتی عومان بەڕێوەچوو.

ئیسماعیل باقایی، وتەبێژی وەزارەتی دەرەوەی ئێران رایگەیاند "دانوستانە ناڕاستەوخۆکانی نێوان تاران و واشنتۆن لە کەشێکی جددیدا بەردەوامە".

ئاماژەی بۆ ئەوەشکرد "هەڵوێست و بۆچونەکانیان لەبارەی کەمکردنەوەی سزاكان و دروستکردنی متمانە لەبارەی  بەرنامە ئەتۆمییەکەی ئێران و پاراستنی مافی تاران بۆ بەکارهێنانی ئاشتیانەی وزەی ئەتۆمی لە ڕێگەی لایەنی عومانییەوە ئاڵوگۆڕ دەکەن".

ب ح