مەودا میدیا-
بەهۆی ئەو شەپۆلی خۆڵبارینە چڕەی كە عیراق و هەرێمی كوردستانی گرتەوە، تەنها لە شاری كەلار 29 كەس بەهۆی تەنگەنەفەسییەوە رەوانەی نەخۆشخانە كراون. 

رەفیق قادر، بەڕێوەبەری نەخۆشخانەی شەهید هەژار لە كەلار بە مەودا میدیای راگەیاند"لە ماوەی 24 كاتژمێری رابردوودا 29 هاوڵاتی دانیشتووی سنورەكە بەهۆی كاریگەری شەپۆلی چڕی خۆڵبارینەوە گەیەنراونەتە نەخۆشخانەكەیان، دوای ئەوەی تووشی ئاستەنگی هەناسەدان و تەنگەنەفەسی ببوون". 

وتیشی"شەپۆلی خۆڵبارین زیاتر كاریگەری لەسەر ئەو كەسانە دەبێت كە نەخۆشی رەبۆ و تەنگەنەفەسی و هەستیارییان هەیە، بۆیەش زۆربەی ئەوانەی گەیەنراونەتە نەخۆشخانەكەیان یەكێك لەو نەخۆشیانەیان هەبووە". 

ئاماژەی بۆ ئەوەشكرد"سەرجەمی ئەو كەسانە چارەسەری پزیشكی پێویستیان بۆ كراوە و دواتریش بە تەندروستی باشەوە رەوانەی ماڵەوە كراونەتەوە و هیچ كەسێكیشیان مەترسی لەسەر ژیانیان نەبووە". 
ئ پ