ژمارەیەك لە پەرلەمانتارانی كورد لە پەرلەمانی عیراق لە دادگای باڵای فیدراڵی سكاڵایەك لە دژی پەرلەمانی كوردستان تۆماردەكەن و داوا دەكەن پەرلەمان هەڵبوەشێنێتەوە. 

عومەر گوڵپی، ئەندامی ئەنجومەنی نوێنەرانی عیراق لە كۆنگرەیەكی رۆژنامەوانیدا رایگەیاند"رۆژی چواری ئەم مانگە لە دادگای باڵای فیدراڵی سكاڵایەكیان تۆمار كردووە و لە سكاڵاكەشدا داوای سێ‌ شتیان كردووە". 

وتیشی"گرنگترین خاڵی سكاڵاكە ئەوەیە كە داوایان كردووە پەرلەمانی كوردستان هەڵبوەشێتەوە، چونكە زیاتر لە شەش مانگ بەسەر ئەنجامدانی هەڵبژاردندا تێپەڕیوە، بەڵام تا ئێستا نەك هەر حكومەت پێكنەهاتووە سەرۆكایەتی پەرلەمان هەڵنەبژێردراوە، بەڵكو پەرلەمانیش ناتوانێت كۆببێتەوە". 

ئاماژەی بۆ ئەوەشكرد"خاڵی دووەمی سكاڵاكە ئەوەیە كە كۆمسیۆنی باڵای سەربەخۆی هەڵبژاردنەكان راسپێردرێت بۆئەوەی لە هەمان بەرواری ئەنجامدانی هەڵبژراردنی پەرلەمانی عیراق، هەڵبژاردنی پەرلەمانی كوردستانیش ئەنجامبدرێتەوە".   

باسی لەوەشكرد"خاڵی سێیەمی سكاڵاكە ئەوەیە، ئەو پەرلەمانتارانەی ئەم خولەی پەرلەمانی كوردستان كە مووچەی پێنج مانگی رابردوویان وەرگرتووە، سەرجەمی مووچەی هەر پێنج مانگەكەیان لێوەربگیرێتەوە". 
ئ پ