بەهۆی كاركردن لە پرۆژەی بەستنی كارەبای تاوەرەكانی سەر شەقامی پشتێنەیی كەلار، ئەمڕۆ بۆ ماوەی شەش كاتژمێر شەقامەكە بەرووی هاتوچۆی فێراندا دادەخرێت. 

لە ئاگاداركردنەوەیەكدا كە بەڕێوەبەرایەتی هاتوچۆی گەرمیان بڵاویكردووە ئاماژەی بەوە كردووە، ئەمڕۆ كار لە پرۆژەی بەستنی كارەبای تاوەرەكانی سەر شەقامی پشتێنەیی كەلار دەكرێت، بۆیە لەبەر سەلامەتی گیانی ئەندازیار و كرێكارانی پرۆژەكە و شۆفێرانیش، رێگاكە دادەخرێت.

باس لەوەشكراوە، لە كاتژمێر 12:00ی نیوەڕۆ تا 06:00ی ئێوارە بەشێكی شەقامەكە لە سێڕیانی سەید خەلیلەوە بۆ بەرزەپردی شێخ محمد تاڵەبانی رێگای هاتن و چوونیش بە رووی شۆفێراندا دادەخرێت.

هاتوچۆی گەرمیان ئاماژەی بۆ ئەوەشكردووە، شۆفێران دەتوانن بۆ بەدیلی ئەو شەقامە داخراوە، سێڕیانی ئاوارەكان بۆ ترافیكلایتی ژمارە هەشتی نزیك مزگەوتی بوخاری بۆ جوت سایدی كەلار-رزگاری بەكاربهێنن. 
ئ پ