مەودا میدیا-

بەیانیی ئەمڕۆ پێنجشەممە، جارێكی تر پاسەوانی سنوور لە شارباژێڕی سنووری سلێمانی، تەقەیان لە باوك و كوڕێك كرد، كوڕەكە گیانیلەدەستداوە و باوكەكەش بریندارە. 

بەپێی زانیارییەکانی مەودا میدیا، بەرەبەیانی ئەمڕۆ پێنجشەممە، لە گوندی سوورەبان لە سنووری  شارباژێڕ، پاسەوانانی سنوور  تەقەیان لە خەڵكی مەدەنی کردووە و بەهۆیەوە كوڕ و باوكێك پێکراون.

بەهۆی سەختی برینەکەیەوە، كوڕەكە گیانیلەدەستداوە و باوكەكەش بریندار بووە.

باوكەكە ناوی ئاوات ئیسماعیل لە دایكبووی 1982ـە و دوای برینداركردنی، گەیەنراوەتە نەخۆشخانەی شار لە سلێمانی، كوڕەكەشی ئارێز ئاوات ئیسماعیل كە تەمەنی 17 ساڵە، تەرمەكەی براوەتە پزیشکی دادی سلێمانی.

ساڵی رابردوو لە ناوچەی هەورامان و بە دیاریکراوی لە شاخەکانی گوندی هانەی دن، پاسەوانی سنوور تەقەیان لە هاوڵاتییانی مەدەنی کرد و بەهۆیەوە گەنجێکی خەڵکی گوندی سەرگەتیان کوشت.

ع