مەودا میدیا-
بەپێی پێشبینییەكانی كەشناسی لەمڕۆوە پلەكانی گەرما بەرزدەبنەوە و تا هەفتەی داهاتوو و دواتریش خۆڵبارین دەستپێدەكاتەوە. 

دەستەی كەشناسی عیراق كەشوهەوای ئەم هەفتەیەی بڵاوكردەوە و راگەیاند"ئەمڕۆ هەینی ئاسمان ساماڵ و پەڵە هەور دەبێت و پلەكانی گەرماش بە نزیكەیی یەك تا سێ پلە بەرزتر دەبێت لە تۆمارەكراوەكانی دوێنێ".

ئاماژەی بۆ ئەوەشكردووە"رۆژی سێشەممەی ئەم هەفتەیە كەشوهەوا لە ناوچەكانی ناوەڕاست و هەرێمی كوردستان و نەینەوا نیمچە هەور دەبێت و هەندێكجاریش هەور دەبێت، لە ناوچەكانی باشووریش ساماڵ دەبێت". 

دەستەی كەشناسی باسی لەوەشكردووە"خێرایی با لە هەندێك كاتدا دەگاتە 30تا40 كیلۆمەتر لە كاتژمێرێكدا، ئەمەش دەبێتە هۆی بەرزبوونەوەی تۆز و خۆڵ لە ناوچە جیاوازەكانی عیراق". 
ئ پ